والله الشاعر ناسي اسمه لاكنه جبلي ومن الكويت
والقصيده هي عن قبيله مطير وعن من ادعى النذاله فيهم انا القصيده حافظها من زمان وحبيت اني اطرحها فأعذروني إذا احصلت اخطأ مني :
يقولون الصبر مفتاح دام للفجر بيبان !!! وبعض القاف يهل العرف مافاد الصبر فيها
ليامنه طفح كيل الرجل ماحس بالحسبان !!! يسج الردي قدامه ولايحسب خطاويها
وانا من بعد هذا الصدر صغت القاف ياسلطان !!! على البحر الطويل أبدع طواريقي وأغنيها
وأبوصلها لجمع الناس قافن وافين مليان !!! إلين الناس تسمعها وتنصف في معانيها
وانا اللي هاضني قولن يقولونه عن المطران !!! يقولون النذاله للمطيري مايخليها
خسيتم وان خسيتم ياشراد ياكلاب ظلان !!! رخوم زافت الهرجه وزادت في حكاويها
نذالتنا بفعل الطيب لاكن حيها يفلان !!! غطن لابها اللي طيبها من طيب اهاليها
نماريها بفعل الطيب لين الخافيه تنبان !!! وهذي في قبايل نجد ماتخفى خوافيها
وإذا انك غاوي التاريخ بن فهر وابن ديوان !!! حدر عنوان حمران النواظر وين اراضيها
تنخى فالحجاز وتجيك عبدالله كما البركان !!! تثور وكنها نار ولاتقدر تطفيها
وأهال المعجزات بريه ماتخضع لمنهوا كان !!! طحاطيح الرجال اللي فعايلها تجديها
وسلامي ياهل الردات علوى ياهل الصمان !!! مقابيس الوغى فالكون مير اللي يعاديها
الا ياكم روسن حدرت من عالي الضلعان !!! تهاوش كنها كورن تداولها نواديها
وانا ماني بقايلك تمكنا من الاكوان !!! كسرنا وإن كسرنا والفعايل منت بمحصيها
ولاكن عوذوا ياهل الهرجه من الشيطان !!! وعلى قول المثل والنار تحرق رجل واطيها
وهذا موجز نشرت مراسلكم من الجبلان !!! قصيده تشرح المعنى من اولها لتاليها
وانا باغي السموحه كان فيه أرتجي نقصان !!! وكان به زلت من دون نرفعها ونمحيها
وفي ختام القصيده يسلام الله على المطران !!! ألا يناس نفخر ليا ذكرت بساميها
وصح لسان الشاعر الجبلي عزالله انه كفى ووفى
ولكم خالص تحياتي اخوكم ابن جمهور ...
رد مع اقتباس
