[align=center]الجرح في قلبي له سنين ماطاب
مازال يدمي بوح خفق المحـاري
مازال يقتل فرحتي بين الأصحاب
كنه خيال عـاش طيفه بـداري
والله لي ثـارٍ هقـاويه تنهـاب
واليوم أنـا جيتك وبآخذ بثاري
كلمة صدق ما قلتها مزح وعتاب
لازم تذوق من الشقا حـر نـاري
سنين عمري تنقضي مالها حساب
والله ما أسكت دون رد اعتباري
ياما صبرت وصبري اليوم ما جاب
غير الهموم ودمعتي وانكساري
وياما سهرت الليل والقلب منصاب
ادمح لك الزلة وعيـبـك نـداري
أغريتني بالحب ونظرات الإعجاب
ثم جيت لك طفل من الـحب سـاري
فرشت لك عيني وضميت الأهداب
حـتى أشوفك حلـم يسـكن قـراري
وشلون أعيش الحلم وألبس له ثياب
وأنته مـن الأخلاق أصبحت عـاري
واليوم أنا ببعد ووضحت الأسباب
ما يجتمع بالحب بايع وشـــاري
دفنت حبك والهوى بعدي غياب
عيش الألـم مع القهر وانتظـاري [/align]
[align=center]( أمــــزان )[/align]
رد مع اقتباس
