عوية الذيـــــــب
هذه القصيده لشاعر الغزل الاول :محمد خلف الخس
اتمنى ان تنال اعجابكم اخوكم الامـــــــــير
[poem=font="Simplified Arabic,6,indigo,normal,normal" bkcolor="transparent" bkimage="backgrounds/12.gif" border="inset,6,deeppink" type=2 line=0 align=center use=ex num="0,black"]
الله من قلبٍ عوى عويت الذيب =ذيب عوى لجت ضلوعه ولجي
عليك ياراعي العيون المهاديب=سودٍ مضاليلٍ وساع ٍ وبجي
سودٍ تشذب بسرة القلب تشذيب =طحت بخطرهن يالله انك تنجي
سهومهن تسطي على القلب وتصيب=تخج صندوق المعاليق خجي
ياصاحبي حبك لقلبي عواقيب =ارفق علي شوي قبل استلجي
يا اللي عليك عيون الامه مراقي=تقول بين شفاك درٍ يمجي
والخد براق المزون المهاضيب=اللي رعوده رجت القاع رجي
يامنوتي مافيه شك ولاريب =منساك كود انسى صيامي وحجي
يابو نهودٍ شلعن مقدم الجيب =كمشمشٍ عرقه من الماء ينجي
من فوقهن شقرٍ تغذى على الطيب=ريح الشمطري في طرفهن يعجي
ذيل اشقرٍ ينسف خلاف العراقيب =تطلب عياله بالمهر والترجي
هزه وزرفات السبايا جناديب =لوما شليل السبر والمال هجي
ذبحتني ياسيد كل الرعابيب =فجيت قلبي يأريش العين فجي
فجن مثل مظراب شلفاء تراحيب =شلفاءاً تخل الدم الاحمر يكجي
لا وردة من كف مرو المغاليب =والخيل كاسيها ضبابٍ وعجي
ياعاذل المشتاق مابالهوى عيب=ماذقت لذاته عسى امك تدجي
لو ذقت من حلوه ومره تجاريب=مالمت طراد البني الغنجي
نجل العيون مزعلات الخطاطيب=شعوٍ عذاب مقطعين الفرجي
لو يحصل ليديك فيهن مقاضيب=مالمتني في حبهن والتهجي
يم الحبيب اللي هروجه تعاجيب=ياعين لديله ويارجل سجي[/poem]
رد مع اقتباس
