[align=center]|--*¨®¨*--|السلام عليكم ورحمة الله وبركاته|--*¨®¨*--|
إخوتي أضع بين أيديكم درة احتفظ بها لما بها من روعـة الوصف والسلاسـة والجـزالـه ،،
والتي تستــحق جــزء بسيــط ،، من وقتــكــم لقراءتهــا ،،،
للشــاعـره / نوف بنت شطيّط العتيبي
[poem=font="Arial,5,darkblue,bold,normal" bkcolor="transparent" bkimage="backgrounds/14.gif" border="double,3,darkblue" type=0 line=0 align=center use=ex num="0,black"]
إذا المراجل لبسة شماغ وعقال=قل للعذارى يلبسنّ العمايم
ما عاد يفرق زول حرمه ورجال=دام الفعايل تشبه البعض دايم
المرجله ما هيب كلمه وتنقال=وتروح ما راحت هبوب النسايم
وإلا خشونة صوت أو رفع الأثقال=أو رزة صدور وفعل الزلايم
ولا هي بعد مفتاح موتر وجوال=وإلا ردى لسان(ن) حديثه شتايم
المرجله شيمه عن القيل والقال=رفيع نفس (ن) حر بالجو حايم
المرجله عقلٍ وزن وزنه جبال=ودون العقل وش فرقنا والبهايم
يا مسندي لو مايل الوقت بي مال=يا ولد أبويه يا عظيم العزايم
يا معرب الجدين من العم والخال=يا نخوة المفزوع وقت الهزايم
المرجله يا خوي هي طولة البال=هي العزم هي الصبر فالظلايم
فيها الكرم عزه دله وفنجال=فيها الكرامه عن ردى الطبع شايم
والدين لامنه خذا القلب منزال=مشى طريق الحق وإبليس نايم
ومن لا عرف ربه في طيب الحال=لابد وقت الضيق بالهم هايم
حتى صلاتك مع جماعات ورجال=في خيرها يا خوي نعم الغنايم
ولامن نصف ليلك قم صفي البال=يا عظم أجرك بين ساجد وقايم
ولا من رفع ربي له كل الأعمال=حسن الذكر لا قالو فلان صايم
وخلك شريف القصد يا طيب الفال=سوء المقاصد فالبيوت الهدايم
واحذر تبيع النفس في دب الأنذال=وتتبع خوي إبليس راع النمايم
النفس خيل لك إذا كنت خيّال=ومن لا قوى نفسه قوته الهزايم
ولا صرت ما تدري لو يش أنت رجال=والله خسارة فيك ذبح التمايم [/poem]
أتـرك لكـم المقــام لإبداء آرائكــم ،،،
دمتــم بــود
شوووق العيووون[/align]
رد مع اقتباس
رد: ღــღ المـــــرجــلــــه ღــღ
